上品火鍋料理 (已結業)

呢排天气开始转凉, 又系打边炉既好日子。 打边炉除左炉要够猛先之外， 汤底同埋其他食材都一样不能少。今晚去咗位于九龙城嘅《上品火锅料理》。听朋友介绍呢间打边炉每样食物都唔错， 趁住天气凉番啲，一于去试下。店舖分开上下层， 有四人座，亦有十人嘅圆枱。 店舖嘅装新净， 以黑红色为主题。系打边炉之前，叫咗个咸蛋王鲜鱿佐吓酒， 金黄色嘅咸蛋浆包裹住弹牙嘅鲜鱿， 外层金香松脆， 咸蛋王味突出， 为今餐打边炉宴打开序幕。打边炉又点少得鲜嫩嘅肥牛？ 上品有个一定要推介嘅食物就系极品牛肉拼盘。 呢个牛肉拼盘有成六种牛咁多。 当中包括平时较为少见嘅牛胸尖，边爪位同金钱展。 牛胸尖属于半肥瘦， 食落油脂较重亦较为爽身。 边爪位牛味就较浓郁。 至于金钱展食落就最嫩滑。至于炸鱼皮同炸响铃， 两者都非常出色。 鱼皮好脆口， 放落汤到几秒之后食， 即可以吸收汤嘅精华， 亦不失脆度， 食落卜卜声。至于炸响铃， 炸得非常之松化， 点埋特制嘅甜酸汁， 酸酸甜甜，令人觉得非常之开胃。推荐流沙汁酿墨鱼丸， 墨鱼丸爽口弹牙， 一边酿入蛋黄流沙汁， 一咬落口就即刻爆浆， 两者味道非常匹配。珍珠蚝亦不错， 虽然睇落细细只，个渌完