La Postre (永樂街) (已結業)

老友生日，话想食西班牙菜，当然系立即系Open Rice度search啦，见到呢间La Postre得一个负评咁少，就决定去Book位啦！本来以为佢地去受欢迎，必定坐无虚席，结果去到，只系坐左一半座位，气氛宁静优雅，适合两个人坐系度慢慢倾计！第一道菜当然系沙律啦，至于拣咩沙律，当然要有西班牙特色既黑毛猪沙律啦，平时就咁食黑毛猪，会唔系咁钟意佢果种味道，但呢度配左生菜之后，非常夹，再加上薄身既芝士片，但酱汁比较辣，可能系西班牙风味既原因。然后就个人至爱，墨西哥玉米片，拣左牛肉酱放上面，份量够足，水准之上！然后当然到肉类啦！叫左个猪仔脾黎食，烧得岩岩好，再加上佢配既酱，甜甜地既沙律酱，绝配！食西班牙菜点可以无西班牙海鲜饭呀？店家提供2种份量比我地，2/4人份，图中系2人份既份量，味道辣辣地，好惹味，青口好食，但虾略嫌唔够弹牙，份量绝对足够比2个人食！再加埋叫左2杯Cocktail，但因为无咩特别，同平时出边既一样就唔提及了！成张单加埋非常接近＄１０００，4个菜及2杯Cocktail，对于我黎讲都几贵，但值得既！