影片
更多
2020-09-24
1007 浏览
呢个XX肺炎Covid-19 ，搞到香港地个个无啖好食，(正苦)一时又限聚，一时又禁堂食，搞到平时三五知己食餐晚饭都要分开坐，以前去开嘅饭局都Q无晒🤦♂️,今日放宽返可以四人聚餐，大家困咗屋企咁耐，一定要出返嚟促进经济啦，靠个(正苦)就死得了😆😆今晚食饭呢个地方其实对我哋嚟讲系有啲远，(因我哋分别住响荃湾同东涌😅)，不过无阻我哋兄弟聚脚食饭兼吹水🤣🤣。首先要赞一赞老板娘先，人又靓又好人，响呢个逆境，舖头出品仍然保持到一定水准，服务又好👍，不汪我哋长途跋涉都要约埋过嚟呢度食。另外一样要值得一赞，就系呢度嘅环境够光猛地方又够干净(下面有相比大家睇)，因为好多人印像中都以为街市熟食中心一定会好污糟邋遢(我以前都会咁谂)，但我可以同你哋讲呢度一啲都唔污糟，重好鬼企理添🥰，加上宜家食饭大家都要有社交距离，呢度就啱晒喇地方够晒大，而且楼底又够高够通风，枱与枱之间有一定嘅距离大家可以食得安心😎。介绍完一大轮，终于讲下我哋今餐食咗啲乜喇，先嚟几支冰冻🍺啤酒先，再加埋老板娘无限供应嘅花生佐酒小食😆, 我哋就开始order今晚嘅主菜喇❗……1️⃣✔西兰花炒鲜鱿…2️⃣✔水煮牛肉…3️⃣✔楝记小炒王…4️⃣✔椒盐豆腐拼九肚
首先要赞一赞老板娘先，人又靓又好人，响呢个逆境，舖头出品仍然保持到一定水准，服务又好👍，不汪我哋长途跋涉都要约埋过嚟呢度食。另外一样要值得一赞，就系呢度嘅环境够光猛地方又够干净(下面有相比大家睇)，因为好多人印像中都以为街市熟食中心一定会好污糟邋遢(我以前都会咁谂)，但我可以同你哋讲呢度一啲都唔污糟，重好鬼企理添🥰，加上宜家食饭大家都要有社交距离，呢度就啱晒喇地方够晒大，而且楼底又够高够通风，枱与枱之间有一定嘅距离大家可以食得安心😎。
介绍完一大轮，终于讲下我哋今餐食咗啲乜喇，先嚟几支冰冻🍺啤酒先，再加埋老板娘无限供应嘅花生佐酒小食😆, 我哋就开始order今晚嘅主菜喇❗……1️⃣✔西兰花炒鲜鱿…2️⃣✔水煮牛肉…3️⃣✔楝记小炒王…4️⃣✔椒盐豆腐拼九肚鱼…5️⃣✔啫啫通菜煲…重有一味好似叫6️⃣✔蘑菇牛炒柳粒,呢个名唔多记得，下次过去再fact check 返个名🙈⬅️但系呢味牛柳粒你哋一定要试下，老板娘劲歌推介haha...😋，上菜嚟到碟碟𩠌都好有镬气，而且非常惹味，再者食完唔会觉得好口干，呢点对我嚟讲好重要💯😉👍加上我哋今晚老友聚会，老板娘又好鬼死识做私人醒多几支啤酒比我哋慢慢响度吹水饮酒食花生，绝对无想赶我哋走🤭🤭今时今日香港，社会气氛搞到咁唔开心，有啲咁有人情味嘅小店真系好难得了!论食物质素同人情味唔比五星⭐ 表扬一下真系过意唔去😅😋，钟意食小炒，饮返杯啤酒倾下计嘅朋友，行开上环揾食，要识得上嚟帮衬下啦😍😍
P.S.(Show得到下面有老板娘张相，话比佢知睇到个post过嚟食，有机会送你啤酒一支呢🤭🤭，送完即止!)
本人并无收取任何广告费，纯粹有好嘢介绍比大家分享😉支持一下香港人嘅良心店舖。
西兰花炒鲜鱿
31 浏览
0 赞好
0 留言
水煮牛肉
30 浏览
0 赞好
0 留言
楝记小炒王
39 浏览
1 赞好
0 留言
啫啫通菜煲
17 浏览
0 赞好
0 留言
椒盐豆腐拼九肚鱼
27 浏览
0 赞好
0 留言
蘑菇炒牛柳粒
20 浏览
0 赞好
0 留言
张贴
