火鍋煮場 (已結業)

上次嚟帮衬开咗个$100一百支啤酒嘅plan未用晒，梗系要趁未到期快啲再用啦，只可惜两次夹埋都只系饮咗42支啤酒，仲有58支真系同志仍需努力。今晚主要饮西柚啤，因为上次饮过真系觉得好好饮。我仲听到隔离枱话呢度抵过去酒吧添。除咗饮啤酒，我哋都食咗几多野，首先打边炉之前拉咗个刺身拼盘，入面有三文鱼、笔记杯、带子、八爪鱼同埋墨鱼，都几新鲜。今晚嘅汤底就叫咗蕃茄蟹锅，除咗有蕃茄同埋蟹之外仲有虾、青口同埋显，啲汤料分开上，只蟹真系好新鲜，出嚟个汤都好鲜味。海鲜方面我哋仲叫咗鲍鱼，一人一只，脆口弹牙新鲜好好食。牛肉反而今晚净系叫咗牛白肉冇叫安格斯或者牛颈脊，呢度嘅牛白肉切得好薄，真系桌一桌就食得，好爽好有牛味。记得上次食过佢嘅鹅肠好好食，系狮头鹅嘅肠，因为鹅肠入面系黐住啲脂肪，有油当然特别香啦，尤其是鹅油。另外有叫咗新鲜鸡子，佢嘅size比较细粒，味道都唔错。今晚叫咗好多饺，有韭菜饺、鱼皮饺同埋墨鱼饺。我最钟意食韭菜饺，因为韭菜好香。墨鱼饺其实就有啲似台湾蛋饺嘅饺皮包住粒墨鱼丸，鱼皮饺都OK，其实三款搞嘅味道都几好。最后仲叫咗竹笙、手打虾丸同埋脆鲩片，样样都几好食。