和記海鮮飯店

营业中

休息中

之前上网睇左呢一间海鲜饭店经济实惠，早几日约咗几个朋友一齐去食饭，呢度由地铁站行过嚟嘅话大约10分钟左右，如果揸车嘅话附近有露天停车场或者有咪表位。去到当日冇乜人，可能疫情嘅关系，但系抱住既来之则安之嘅心态，大家短暂忘记唔开心嘅事情。呢度可能地点上嘅不方便，或者老细抱住服务街坊街里嘅原因，餐牌上嘅价钱好似停留咗系五六年前左右，估唔到呢度仲有$60 一个小菜，讲真系呢个价钱你喺街边食都食唔到，何况仲系一个有冷气叹嘅地方，当然呢度卫生环境你唔好有期望，总之食完唔肚痛就算。听闻呢度最出名嘅系炖汤我哋都叫咗一个，𠮶个炖汤，清甜而不油腻，而且材料充足，未饮已经知道呢个汤系冇得顶，而且只系$80一客，分量足够四个人享用小菜方面份量好充足，如果唔知嘅话我仲以为系加大的份量，对比喺出面嘅酒楼呢度足足多一倍。味道方面可能呢度上年纪嘅人比较多，厨师都会落重手调味，啱晒饮酒嘅人士。