華香雞 (已結業)

湾仔骆克道368号有一间叫华香鸡嘅饭店，连老外都识去食，就知道系好嘢。今晚路过华香鸡，见到有一个一人豪华套餐，价钱好大众化，只系$88 ，不但有华香鸡、又有茶香鸡，套餐有饭有菜有汤，健康抵食，又好食。我钟意茶香鸡嘅味道好特别有茶嘅香味，鸡入味啖啖肉。华香鸡调味同样好入味，还有鸡肾。鸡汤浸白菜大大碟，对钟意食菜嘅我来讲，真系十分满足。华香鸡有卤水鸡蛋同埋肇庆醉鸡蛋，每样叫咗一只，肇庆醉鸡蛋有特色，酒味香浓，卤水蛋香滑，各有特色。蒜蓉黑醋手拍青瓜非常之好食，用老陈醋同埋蒜蓉调味嘅青瓜新鲜脆卜卜，大大碟先至$35我觉得系必食嘅。我哋叫咗个清鸡汤，枝竹白菜，白菜用香浓嘅鸡汤浸住，份量好多，上面有枝竹，系健康嘅首选。晚饭平均每个人$100 ，真系平靓正。