老夫子餐館 (已結業)

老夫子餐馆最初开嘅时候，都掀起一阵阵热潮，好多人都有走去打卡，话说太子店其实都好方便我，近公司，但一直未有去试，反而最近喺元朗见到，原来分店已经开了。是日喺元朗睇戏，完事后选择喺老夫子餐馆用膳。新餐厅新屎坑，我仲以为有好多人已经试过，估唔到咁人潮涌涌啊，假日6点几已经开始等位。餐厅位置唔算多，门口当然有老夫子同大蕃薯坐阵。拎左飞之后，我地都等左约15分钟，可以接受。餐厅格局同一般餐室无异，有卡位、梳化位，装潢可见不少老夫子细节，天花嘅大灯、霓虹灯人物造型、坐椅上都有大蕃薯嘅踪影。枱面仲有招牌漫画，总算让我重温下点童年回忆有别于其他主题餐厅，主题已体现喺装潢、食物名字上，食物嘅造型卖相就系正正常常。餐牌选择丰富，最估唔到系价钱都几合理，你知啦，好多主题餐厅都收费不菲，难怪呢度咁好生意假日晚上都有晚市套餐，有沙律、饭、意粉等，配餐汤、咖啡/奶茶，又可以有优惠价配娃娃菜或甜品，兼免收加一，定价$72-86。主餐牌仲有铁板系列、焗饭、咖喱、意粉、中式小菜等，加25蚊可升级套餐。餐汤：椒盐四季豆猪排 $79拣左四季豆猪排，有菜有肉，四季豆加左啲蒜粒、少量辣椒，都几香口，唔会炒得太干身，爽脆，几好