餃串Party

营业中

休息中

话说我好中意食饺子而老婆又好唔中意食饺子，今次竟然有间老婆食完都觉得ok既饺子店。饺子既选择唔多，走茜走九走苦瓜之后其实得返3款(2荤1素) 可以拣。45蚊8粒唔算平，size同丰信差唔多，比出面大半个size左右，但比较好既系无丰信咁实，咬落去舒服d.味道方面老婆话椰菜食得出甜味，但我就觉得无乜特别，第二款用既芝士都无乜cheese味。反而系个五指毛桃汤饮落住家舒服有惊喜。串烧系老婆最中意既一环(因为佢唔中意食饺子), 鸡膊头超juicy, 鸡软骨落油足烧得够香，墨鱼咀带少少孜然味都好正。反而系鸡皮㶶左有少少失色，但整体黎讲每一串都唔差，调味都唔同，唔似大陆个d清一色辣椒孜然味，12蚊串香港黎讲好抵食。