天空虎嘯

营业中

休息中

老婆呢排工作好忙，返屋企仲要帮手照顾小朋友，非常辛苦，就谂住请佢去食一餐好嘅，放松一下👍🏻前几日我同事话位于天后嘅天空虎啸食物好新鲜，啱啱我老婆又好钟意食蟹，就决定带佢嚟呢度食。一到餐厅，老婆就好开心咁望住我，因为呢度嘅长脚蟹特别出名，而且仲好新鲜好食😋我哋都好期待要试吓啦！日式京葱酱油配本地鸡：一口咬落去就感受到鸡肉满满嘅汁，好鲜嫩，再配上酱油，味道更佳！阿拉斯加长脚蟹：蟹肉特别新鲜，肉质滑嫩，老婆特别钟意😘龙虾汤蒸蛋配蟹肉：龙虾汤真系有龙虾🦞嘅味道，甜甜哋，再配上蒸蛋同蟹肉，只有两个字，完美！ 芝士樱花虾鲍鱼：我从来都唔知道樱花虾仲可以配搭鲍鱼！樱花虾本身嘅营养已经好丰富，再配上鲍鱼，味道更加美味🤤老婆仲一直称赞呢味菜👍🏻我哋食得好开心，老婆仲话好耐都冇同我约会，特别感谢我今日嘅安排！