影片
更多
2018-07-31
4266 浏览
原本想买细个既老婆饼，但店员话师傅整唔切，净系得大老婆饼卖，咁都买黎试下啦！大老婆饼无论面积定厚度都绝对对得住佢个名😂有成只手掌咁大嫁！仲几厚身添。切开佢黎食果阵，发觉个馅有少少黏度，本来冇咩期望都觉得应该唔差果然！有惊喜！好食呀老婆饼！皮薄馅料足，老婆饼整体软属，冬蓉馅系用新鲜冬瓜打成蓉加入面粉、糖同油整成既。个馅口感烟韧，有少少浆口，真系估佢唔到呀！我中意！味道方面，较清爽唔油腻，唔会好似平时食果啲老婆饼咁甜，认真品尝，会食到一阵冬瓜既清甜、清香～不过，因为大老婆饼份量大，一个人食晒会腻，食到最尾会觉得越黎越甜，所以最好同身边既人开心share虽然有小桃酥买，但都系拣左大既><合桃酥好大块，都几坠手。试一啖，超级酥脆！合桃酥一咬即开，仲有「咔」一声，质地松化，啲碎会食到成嘴都系食到有鸡蛋既香气，味道调得啱啱好，唔会过甜。澳门出名既手信专卖店既合桃酥系淋淋地既，落左好多猪油，但八仙既合桃酥食落松化，用既猪油较少；甜度都低，感觉较为健康。合桃酥表面有几粒瓜子，但其实起唔到好大作用，食落唔觉瓜子既存在，因为合桃酥本身已经好酥脆、有咬口，唔洗瓜子增加口感都冇得输！我啱啱食完
老婆饼
$10
238 浏览
0 赞好
0 留言
原本想买细个既老婆饼，但店员话师傅整唔切，净系得大老婆饼卖，咁都买黎试下啦！
大老婆饼无论面积定厚度都绝对对得住佢个名😂有成只手掌咁大嫁！仲几厚身添。
切开佢黎食果阵，发觉个馅有少少黏度，本来冇咩期望都觉得应该唔差
果然！有惊喜！
好食呀老婆饼！
皮薄馅料足，老婆饼整体软属，冬蓉馅系用新鲜冬瓜打成蓉加入面粉、糖同油整成既。个馅口感烟韧，有少少浆口，真系估佢唔到呀！我中意！
味道方面，较清爽唔油腻，唔会好似平时食果啲老婆饼咁甜，认真品尝，会食到一阵冬瓜既清甜、清香～
不过，因为大老婆饼份量大，一个人食晒会腻，食到最尾会觉得越黎越甜，所以最好同身边既人开心share
合桃酥
$14
325 浏览
0 赞好
0 留言
虽然有小桃酥买，但都系拣左大既><
合桃酥好大块，都几坠手。
试一啖，超级酥脆！合桃酥一咬即开，仲有「咔」一声，质地松化，啲碎会食到成嘴都系
食到有鸡蛋既香气，味道调得啱啱好，唔会过甜。
澳门出名既手信专卖店既合桃酥系淋淋地既，落左好多猪油，但八仙既合桃酥食落松化，用既猪油较少；甜度都低，感觉较为健康。
合桃酥表面有几粒瓜子，但其实起唔到好大作用，食落唔觉瓜子既存在，因为合桃酥本身已经好酥脆、有咬口，唔洗瓜子增加口感都冇得输！
我啱啱食完饭就去买，见仲暖暖地，本身想试一啖。点知因为脆口，好似上左瘾咁咬完一啖又一啖，忍唔住啪左大半个，食完仲想食添！
$14一个合桃酥其实唔算平，但佢入口酥脆、松化，甜度唔高，质素咁高，我食得过瘾之余、钱都比得开心
皮蛋酥
$18
167 浏览
0 赞好
0 留言
好大个皮蛋酥啊！
酥皮入面包左成只皮蛋，所以超大个！
买果阵仲热辣辣，闻到咸咸地同姜味。
酥皮加左开酥既步骤、整得好靓，薄薄既一层，一切就会剥落。酥皮面头扫左蛋浆，颜色金黄，特别诱人。酥皮唔太厚，唔会成口粉。
皮蛋酥除左原只皮蛋同酥皮之外，中间仲有一层豆蓉馅。豆蓉有盐份，中和左甜味，令皮蛋酥食落唔会过甜。
豆蓉馅混合左红姜、瓜子肉、芝麻同麻酱。
一咬红姜既香味就飘出黎；
瓜子肉增加左口感，脆脆地、有野咬下；
芝麻同麻酱应该就系咸咸地既嗅觉源头，食就唔多觉。
加埋皮蛋既弹牙，口感丰富，皮蛋味道较淡。
整体黎讲，个人觉得八仙饼家最出名既皮蛋酥除左大、馅料足之外，味道方面冇咩惊喜，唔会好似老婆饼同合桃酥咁令我追住去食（可能个人口味问题）
唐饼真系好好味！如果唔系因为太多反式脂肪、唔健康，我会成日食。
要我系合桃酥同老婆饼入面拣一样我觉得最好食既，对唔住，真系拣唔落手，因为两样出品都咁出色！无论啱啱出炉定放左一段时间，皮依然松脆，唔影响口感同味道，好抵赞！
八仙啲饼做得咁有诚意，味道、口感都一流，难怪可以咁多年都屹立不倒
鸡仔饼都话做得好出色，但店员话做唔切，所以今日唔会有得买，so sad
本身仲想买埋豆沙烧饼，但惊食唔晒就唯有下次再试。
张贴
