甜品老媽 (已結業)

BBQ完大家都顶唔顺，要即刻去食返D清凉D既野，有同学黎过呢度食话几好食，咁我印象中大家对佢既评语都唔错，所以就黎左呢度啦。大家 7 个人一去到即刻有位，一人叫一样，我无样样试过，所以唔太知味道系点。我个同学食左个芒果肠粉话几好食，我试左少少都觉得唔错，个皮甜甜地又薄，个芒果一D都唔酸好甜呀。我自己就食左个杨枝金露黑珍珠，都唔错，冻冻地真系好消暑，而且用芒果汁做底，不过我觉得甜左少少。芒果肉一样好甜一D都唔酸，D黑珍珠几好食，佢仲有D西米硬硬地几有口感。除左芒果肉仲有D啫喱，烟烟UNUN，你话好好食又唔系，即系都系普通啦。不过俾钱既时候佢真系态度唔太好脾气，因为我地 7 个人D钱好散，所以想各自俾，佢一句弹埋黎「唔得㖞」，我地呆左....... 之后佢见我地个样即刻话好，但我都之后都系礼貌地同佢讲声唔好意思.... 佢竟然串返我话「系呀! 真系好唔好意思架!」，我真系 =O=.... 唔驶咁恶呀大佬??