老媽拌麵 (THE FOREST) (已結業)

屋企总会有一大包老妈拌面系厨房，特别系葱油拌面，葱油拌面系我老母既最爱🥰。今日经过旺角既The Forest先发现老妈拌面开左分店，刚好今日同老母出街，顺便试下老妈拌面专门店嘅其他食物。旺角分店面积几大，楼底高，空间感十足。- 老妈袐制麻辣锅🥘一人锅系期间限定，个人认为材料多于一人份量，材料包括麻辣鸭血、麻辣豆腐、猪肉丸、蟹子丸、鱿鱼、肥牛等等😋。肥牛肥瘦均匀，吸收左麻辣既精华变得更惹味。另外仲有关庙面，口感烟韧弹牙，而且煮好耐都唔会变得淋晒。- 鱿鱼圈卤肉饭卖相几精致，仲有半只溏心蛋同紫菜作点缀。卤肉饭同我想像中有啲出入，卤肉系一大件并非一粒粒🤔。至于鱿鱼口感弹牙，不过酱汁比较少。- 炸大鸡扒鸡扒好大份，外皮炸到好酥脆，肉质都多汁嫩滑。- 高丽菜猪肉水饺🥟水饺总共有七件，外形非常饱满，证明入面馅料丰富，而且好多汁！- 冬瓜柠檬味道唔算太甜，饮完非常开胃。- 仙草冻奶茶虽然冇得选择甜度，但饮落都唔会好甜。奶味香浓，仙草冻份量足够👍🏻。除左拌面之外，老妈拌面嘅火锅、水饺、炸鸡扒都唔错，价钱都公道。如果老妈拌面开喺我屋企楼下，老母一定日日光顾🤣