老媽拌麵 (將軍澳中心)

营业中

休息中

如果有食开老妈拌面，一种台式即食事4拌面，就会知香港开左实体面店，甘平时我都会食下老妈拌面，所以都黎朝圣下。一去到面店门口都排左短短既人龙约10个人，店内坐满哂客人，只系星期四平日都甘多人，我谂假日周末呢啲会再多啲人，我7点9左右到，排到8点1到入得，等左20分钟左右。入到去店员话已经冇哂粗面，得返幼既，甘冇计，鬼叫自己去得迟。我点左川味红烧半筋半肉牛肉面，朋友点左清炖牛肉面同美人鸡汤面。虽然面质同平时食既老妈拌面既幼面一模一样，果川味同平时食开系似既，而汤头系普通台式牛肉面果汤头再加辣味，但可能系汤面，食落就同干拌面好唔同，同埋佢仲加左唔少配菜同埋牛肉片，因为我叫半筋，所以有几旧牛筋，牛筋炆得够冧同入味，牛肉片带啲筋有咬口得黎又唔会太鞋，整体系唔错既。服务方面，因为人流旺，所以店员都较忙，但叫落单呀上菜呀都快手既，正常既服务水平。不过用买到一包老妈拌面再多啲既价钱去食一碗面，值唔值就见仁见智啦🤣🤣 只能讲系点都想试下既。