老媽拌麵 (屯門市廣場1期) (已結業)

好耐冇食老妈拌面，本来一心谂住食个面饮杯珍奶，黎到之后竟然有新发现。好，坐低睇下有咩好食先。睇住个餐牌，而家有小菜食啊！鲜果甜酸肉排，叫呢个台式小菜饭有前菜、饮品。黎到个主菜系非常吸睛，炸脆脆整得好靓，仲要系食得既，个𩠌颜色配搭又靓。甜甜酸酸既肉排，冇骨又够腍，仲有好多粒苹果菠萝，个汁开胃送饭一流。台湾烤香肠，挂住台湾街头小食，叫左个台湾肠，夹住个蒜黎食，系台湾既味道呀。黑糖珍珠鲜奶，鲜奶、黑糖、珍珠比例啱啱好，依然做到水准。