老媽拌麵 (屯門市廣場1期) (已結業)

今日行屯门市广场，之前见到老妈拌面经常要排队，难得今日唔使排队当然要一试啦！有好多种可以选择，又有小食又有台式饮品。老妈黑糖珍珠鲜奶，珍珠好烟韧又软熟，珍珠又好香黑糖又够甜，捞匀鲜奶一起饮好香又够甜珍珠又烟韧好好味。清炖三宝牛肉面有牛腱，牛筋，牛肚，牛腱好厚肉质又够嫩，牛筋又大大块又够淋，牛肚又唔韧全部好入味，粗面条又有咬口，汤底又清淡又好好饮好鲜甜，又有红白萝卜和一些菇好好味。澎湖花枝丸，炸到金黄色花枝丸又好弹牙又香，沾上酱汁更加美味可口。酥炸甜不辣炸到好烟韧又香口。台肠香肠又几香又啖啖肉唔会好肥又唔会太咸。