陳儀興尚潮樓 (英皇道)

营业中

休息中

食潮州菜就一定要食生腌，系香港要食生腌真系唔多选择！朋友喺鲗鱼涌做嘢，发现陈仪兴尚潮楼有多款生腌，一知道就立即去试试啦！坐底后，店员龙即奉上潮州工夫茶，以示欢迎！潮州菜必点卤水菜式，我哋就拣左 #鹅三宝，分别有鹅肉、鹅肠、鹅肝，呢三款都系我哋最喜欢的！鹅肝粉嫩，入口顺滑唔腥；鹅肠爽口，鹅肉肥瘦适中，卤得都好入味！🌟 生腌蛳蚶生腌蛳蚶系香港都好少地方有得食，估唔到呢度有，而且非常干净，又够鲜味！🌟 生腌濑尿虾生腌濑尿虾已经剪好哂，全部都有膏，鲜味十分，肉质滑溜，喜欢生腌就会明有几好食！🌟 椒盐九肚鱼即点即炸，热辣辣上枱，新鲜又够脆口，咬落脆卜卜，鱼肉嫩滑，连啲骨都可以食埋落肚！🌟 胡椒咸菜猪肚汤好香嘅胡椒味，猪肚干净又爽口，加埋咸菜，可以用嚟捞饭，又够暖胃！