中國冰室 (已結業)

话说某日去开旺角街市，行开侧边时发现到一间好old School嘅冰室， 原来就系传说中成日拍戏嘅中国冰室！下午茶时间入到去人唔多，坐低之后望一望，有最低消费，😂可能又真系太多人会斋坐唔食！ 内里都系好老字号feel， 旧式地板墙壁，怀旧风扇，真系值得入来怀缅一下。。。叫咗最传统嘅蛋卷加冻咖啡，应该系隔两个铺位嘅饼店蛋卷，出奇地好食够松软，好食过连锁饼店！咖啡味道非常好，冇酸味，平时好多茶餐厅啲咖啡都带一浸酸味，一啲都唔好饮， 而呢杯冇咁嘅情况可以加分！西多士即炸，牛油揸上面，够热即溶，加埋蜜糖超好食！希望可以长做长有， 保留多啲香港传统特色餐厅！