金鳳茶餐廳

营业中

休息中

湾仔有一间老字号嘅冰室系街市入面，经过闻到淡淡嘅面包香味，今次返工食晏见到冇乜人排队，决定入去试吓。不过餐厅舖面唔大，枱都比较细，一个人去食都明白要搭枱，但同对面陌生人嘅距离真系几近下，疫情期间，如果真系想试建议约埋朋友两个嚟食。第一次光顾为咗可以试多啲嘢食，于是拣咗佢嘅特价午餐，叫左沙嗲牛肉乌冬，菠萝包，同埋火腿奄列。一上枱望到份量，加埋大大个菠萝包，已经觉得食唔晒。首先试咗佢嘅沙嗲牛肉，咬落去好嫩，完全冇筋，仲要煮得好浓嘅沙嗲汁，好入味。菠萝包微热，一咬落去个菠萝皮碎到跌晒落嚟，而且大大个，净系食个包都饱。