金記冰室 (已結業)

好耐无食过茶餐厅了😆今日黎到金记冰室，原来而家星期一至五，有冬季暖笠笠系列，我地叫咗芝士鸳鸯扒饭（粟米鱼柳、鲜茄鸡扒）原价$60嘅$52就有～粟米鱼柳同埋鸡扒大大块，焗盆上枱，上嘅时候仲出晒烟滚紧，够哂热辣辣，转左意粉，仲以为正常转嘅意粉底系原味，食嘅时候先发现，居然系用蕃茄炒过嘅，令我喜出望外！酸酸甜甜，更加开胃，而且一啲都唔油，呢个价位，仲埋特色热饮～玫瑰花火龙果茶，好特别，成杯充满玫瑰花香味，仲有火龙果嘅香甜，甜甜蜜蜜暖在心头🥰另外仲叫咗一个小菜二人餐，覇王鸡、咕噜肉、两杯饮品、两个白饭、二个老火汤，只系138蚊，好味又抵食👍店员非常之好服务，见到我哋四个人，仲免费送多两个汤俾我哋饮添，冇味精足料煲👍非常推介！