影片
更多
2018-04-07
11831 浏览
吾经吾觉原来已经一段时间冇去过大排档食地道小菜，所谓既一段时间我谂大概就系一年前啦，其实系出面食得多其他类型既菜式，偶尔都会挂住港式既大排档、冰室等等。陈根记系沙田区一间受欢迎既大排档，沙田人去帮衬就吾出奇，但原来呢间大排档系位于沙田既禾𪨶邨，听就听过既，但去就真系好似未去过。以为去既路程会比我想像中方便，但实际上吾系咁由于本人系港岛区番工，所以搭巴士去红磡先，然后要搭东铁(火车)去火炭站，跟住系火炭站仲要搭巴士去禾𪨶街市落⋯⋯幸好天气吾系十分热，如果吾系一定更加辛苦。长途跋涉终于去到了，正当以为可以舒舒服服咁食野戈阵，事实就话比你听绝对吾系咁简单去到劲多人已经系意料之内，但原来吾系平时戈啲餐厅咁攞飞等位，而系个个都系啲食紧野既客隔离企系度等！最尴尬既系，好多时去到啲枱，啲人好似就食完咁，但原来系岩岩坐低only⋯⋯只系啲野未执好。兜兜转转，有个女仔好心咁同我男朋友讲：「你地系咪两个人呀，我地呢度有位」，心存无数感激，但途中既过程我地奔波左足足45分钟左右。大排档食物种类果然十分多，但系大致上都同平时大排档既食物差吾多，有海鲜类、鱼类(其实鱼都系海鲜？不过可能种类太多所以要分成一类)、
陈根记系沙田区一间受欢迎既大排档，沙田人去帮衬就吾出奇，但原来呢间大排档系位于沙田既禾𪨶邨，听就听过既，但去就真系好似未去过。以为去既路程会比我想像中方便，但实际上吾系咁由于本人系港岛区番工，所以搭巴士去红磡先，然后要搭东铁(火车)去火炭站，跟住系火炭站仲要搭巴士去禾𪨶街市落⋯⋯幸好天气吾系十分热，如果吾系一定更加辛苦。
长途跋涉终于去到了，正当以为可以舒舒服服咁食野戈阵，事实就话比你听绝对吾系咁简单去到劲多人已经系意料之内，但原来吾系平时戈啲餐厅咁攞飞等位，而系个个都系啲食紧野既客隔离企系度等！最尴尬既系，好多时去到啲枱，啲人好似就食完咁，但原来系岩岩坐低only⋯⋯只系啲野未执好。兜兜转转，有个女仔好心咁同我男朋友讲：「你地系咪两个人呀，我地呢度有位」，心存无数感激，但途中既过程我地奔波左足足45分钟左右。
大排档食物种类果然十分多，但系大致上都同平时大排档既食物差吾多，有海鲜类、鱼类(其实鱼都系海鲜？不过可能种类太多所以要分成一类)、猪、牛、煲仔类等等。
原未睇餐牌已经谂定叫佢既招牌菜：Wasabi蟹籽手撕鸡、煎蚝饼、椒盐九肚鱼等等。然后我记起男朋友麻麻地中意食九肚鱼，然后佢又想叫个佢好中意既椒盐豆腐，最后就叫呢几样，为了节省时间，伙记们会叫我地自己写食啲咩落张单度。
根记头抽鸡 全只 $260
原本个伙记就已经话wasabi蟹籽手撕鸡卖晒，但我仍然好想试，于是决定写左落张单再算，但后尾又有另外一个姐姐黎同我讲话真系卖晒。跟住男朋友就建议话食头抽鸡，原来头抽鸡就系豉油鸡，一黎戈阵个样劲搞笑，系个木桶仔装住，鸡既份量十分多，亦好嫩滑，比好多大排档既质素好，鸡肉沾上豉油好香口，啖啖肉既感觉十分实在。
椒盐豆腐 $58
然后食既系第2道菜 —— 椒盐豆腐，椒盐豆腐吾系呢度既招牌菜，可能因为咁，个人感觉比较逊色，椒盐似乎就少左啲，所以浓味不够，偏淡，但系脆卜卜系做到既，同埋里面既豆腐都好林。
香煎蚝饼 $70
跟住就到我最中意既菜出场，系蚝饼呀，平时食既蚝饼多数蚝既份量比较少，呢间既份量真系不得了。首先一睇到已经系黄金表皮既蛋丝，真心好脆，有层次感，交错既蛋丝外型攞晒分跟住我系几乎食每一啖都有蚝，啲蚝仲要每只都大大只，亦鲜味十足，吾会有海水味，配上口感丰富既蚝饼同埋蛋丝真系令人好有满足感
椒盐鲜鱿 $78
去到第4味椒盐鲜鱿，已经饱到有点吃不消的感觉，于是食得好少，但仍然感受到香气四溢。虽然称不上系好脆既表皮，但系松化既感觉都吾错，达至刚刚好既感觉，咬落亦不油腻，我本身都几中意食炸鱿鱼须，对我黎到呢个系整得几好。而作为吾浪费既市民当然都不忘叫左个盒打包，p.s. 外卖盒盛惠$2。
之前系听过陈根记因为租约期满所以租约期系去到今年3月31号，但最新消息又话延长租约期去到今年12月31号，即今年最后一日，个人相信最新消息。现今既地产霸权太犀利，希望出色既港式大排档可以笑到最后。
张贴
