祥發茶餐小廚

营业中

休息中

一个人想自己叹个下午茶，大约五点到，餐厅入面唔算多人，所以可以自己一个坐四人位。叫咗一个餐，满足我三个愿望。1）卤水鸡髀味道偏甜，肉质比较鞋，但加埋啲鸡皮，薄薄鸡皮唔算肥，大家互相弥补，平民价来讲，都算系咁。2）黑椒鸡柳包送上嚟嘅时候个包外皮热辣辣亦脆皮内软，喺老舖来讲，服务算一流，黑椒味唔算太浓，都有两三块小鸡柳，味道唔错。3）鸡扒芝士天使面迷你芝士天使面冇乜特别，只系一pat 芝士系个天使面到，3旧经炸过嘅鸡排。4）冻蒟蒻百香果汁（+$4）史上最伏嘅野饮，叫左小甜都可以甜到想呕，味道似药水冲出黎，本人唔好唔中意依只味，啲蒟蒻唔似蒟蒻，红白黄色似jelly，虽然食落都小小似蒟蒻，仲要额外加钱黎饮，整体来讲，一个字，伏。总括来讲，依家老铺嘅服务大致唔错，通常下昼同夜晚都要排队，反而下午茶就唔使，价钱来讲算系平民又可以满足到至少两个愿望（再加多一杯嘢饮），所以下午茶来讲算系轻食又饱肚。