蘭香麵家

营业中

休息中

呢间一睇就知系老字号嘅面店喺公司附近，次次经过都坐满哂人，舖面又有金刚同小仪拍饮食节目嘅相，难得今次行过有位就梗系要坐低试下。话哂都叫面家就梗系要食面啦，我就叫左个鸡肠河粉。佢呢度嘅汤头好浓，仲要有阵油香，好似饮紧呀妈煲嘅鸡汤咁，绝对唔系味精帮手整出黎嘅味。河粉本身又吸汤，每食一啖都有带到啲汤入口。河粉其实一唔小心就会好易煮到断开哂变左做河粉碎，但呢度嘅河粉煮得啱啱好，每条面仲keep到同鸡肠差唔多长度，可以享受到吸面嘅乐趣。佢碗面嘅重点都仲未出黎就已经赞不绝口啦，哈哈。重点系啲鸡肠呀！爽口得黎又唔会韧，一韧起上黎随时咬唔断直通你喉咙，系一样要细心处理嘅食材黎。佢仲要薄到同河粉差唔多，差啲分唔出佢两个呀。厨师将鸡肠清洗得好干净，唔会有内脏嘅腥味，要洗嘅洗走左，要留嘅又有留番㖞。鸡肠嘅油脂香散发晒出嚟，为汤头增添一翻风味。同行嘅同事话猪手饭都好好食，等我下次有机会再嚟试吓先。