好時沙嗲

营业中

休息中

晚市终于开返，点样庆祝呢？当然系做唔晒啲嘢留喺公司OT啦。冇计，要怪就怪自己平日喺度hea唔做嘢。既然要留喺公司，就揾咗间近公司嘅餐厅快啲食完继续做嘢，所以就去咗好时中心嘅「好时沙嗲」，又近公司又平嘢食又嚟得快。入去坐低都唔驶睇餐牌，大部分人嚟呢度都系食佢个海南鸡饭，我亦唔系例外，可以加多10蚊转鸡脾，但系我冇转到。鸡肉去咗骨，肉都几滑，最钟意佢个油饭，又大碗又够油，对我呢啲钟意食重口味嘅人简直系极品。总结一下，55蚊咁大碗饭咁多鸡肉，仲要非常啱我口味，扺食。