陳儀興飯店 (崇齡街)

营业中

休息中

食陈仪兴食上瘾😂今次去到新蒲岗，去咗佢哋嘅老店，食海鲜打冷🤭  店面真系好似有怀旧香港嘅感觉， 放咗不同类型嘅河鲜海鲜，亦都有即切卤味部。 见到全场满座，好彩原来街口转角位仲有多啲位。 椒盐鳝片 份量都几大！炸到脆口惹味，冇咩细骨，可以大大啖食！ 潮式炸蚝饼 | 卤水拼盘基本上食亲打冷都必点嘅项目！蚝仔好大粒饱满冇沙。 卤水拼盘中嘅鱿鱼好弹牙！不过温馨提示，呢度个卤水拼盘系冇鹅件㗎。 辣酒煮花螺重口味之选，花螺入味爽口，绝非平时一般用嘅东风螺！ 京葱炒羊肉呢个喺潮州店就比较少见，上枱香喷喷！食落发现用上孜然去炒，所以额外惹味！羊肉嫩滑。脆皮落汤钱几特别，冇馅料嘅糯米糍配上大量花生碎。