明記海鮮潮州菜館 (天保大廈)

营业中

休息中

荃湾明记海鲜潮州菜馆非常岀名，呢度无论海鲜定系打冷潮州菜都一应俱全，行上楼梯，入边嘅空间好大👍🏻而且上菜速度好快，落完单食一阵花生就已经上菜🙌🏻卤水杂拼，呢度嘅卤水非常高质出名，而且好丰富，有齐鹅肠、卤水肾、红肠、猪大肠、墨鱼。卤水味道浓郁，但唔会太咸，突岀到各种嘅食材味道🥰韭菜猪红，非常入味，而且有微微香辣，真系好惹味😋口感亦好软滑，配白饭简直一流😋石锅啫啫通菜，一上枱就见到热辣辣，出晒烟，通菜嘅份量多到几乎满泻😝通菜爽脆多汁😚潮式蚝仔饼，去潮州菜馆就梗系要食蚝仔饼🤣蚝饼大大块，煎到金黄色🤩外脆内软，口感烟韧，蚝仔份量够晒多，鲜味厚实😍