南記飯店 (已結業)

10月尾和朋友一行 5人系呢间九龙城老字号食潮州菜，因为我哋5个女仕，所以只系叫咗个4人餐，再加一个春菜。春菜系我想嚟食嘅主菜😂。4人餐588，有一个头盘，二选一，要咗卤水豆腐，另一可选系冰镇凉瓜。主食半只咸鸡，咸菜胡椒猪肚汤，椒盐九肚鱼，方鱼炒芥兰同潮州炒面。送嘅甜品系中式糖水，我冇饮，朋友话过甜。菜式好普通，亦唔系大大份，所以唔明点解呢间餐厅会出名…。地方系旧式茶餐厅布局，方形枱同圆胶椅仔。个豆腐味道怪怪的，卤汁有点酸，大家都唔咁食。九肚鱼好味，炸得干身唔会油。个汤都够胡椒味不过冇乜鸡又唔够咸菜味。其他菜式冇乜特别⋯。最后待应推介咗喳喳糖水，呢个好伏下⋯。乜味都冇乜，水咁淡，后来佢反问我哋点解冇糖渍蜜比我哋就咁食。大佬呀！我哋鬼知糖渍系另上㗎。