佳寧娜潮州菜

营业中

休息中

佳宁娜真系好多年都冇去过，难得屋企人有朋友约喺呢度饮茶，发觉佢嘅质素比之前好咗好多！𠮶日星期日唔多人，叫咗虾饺，叉烧肠，芋丝春卷，方鱼蚝仔肉碎粥同埋椒盐九肚鱼。虾饺虾好新鲜非常弹牙，皮够薄，唔会好厚腍啤啤叉烧肠出奇地好食！个粉浆调得好好，肠粉好滑，叉烧冇肥芋丝春卷芋丝春卷系我潮州点心嘅最爱！呢间都整得唔错，调味好好，好友芋头味！不过我嘅最爱都系之前赛马车会嘅金朝阁，可惜佢哋已经关门大吉。方鱼蚝仔肉碎粥蚝仔非常之新鲜，胀卜卜，真系好少已经食到咁好食嘅蚝仔粥，大推！椒盐九肚鱼呢个就真系比较逊色，炸得都几干，食唔出食紧九肚鱼嘅口感。下次可以唔使叫。