陳儀興飯店 (崇齡街)

营业中

休息中

讲到新蒲岗嘅潮州菜，相信大家都会话位于崇龄街嘅陈仪兴饭店。对新蒲岗嘅老街坊嚟讲，陈仪兴饭店可以话系无一不知，因为佢哋喺新蒲岗已经几十年，当中以秘制蛳蚶、生濑尿虾、冻蟹等最为出名。往日喺新蒲岗长大，今日经过都倍感亲切，所以都入去点三两个小菜，食个便饭。卤水鹅件潮州卤水好多地方都有，我就认为一间潮州餐馆所卖嘅卤水，最重要嘅系卤水要够味，不系偏咸，而咸味一定不可以盖过卤味本身嘅肉味，陈仪兴嘅卤水就恰到好处。食卤水鹅，大多数人都会选择鹅片，因为无骨淡淡肉，但我反而喜欢鹅件。虽然骨较多、但鹅件所吸收嘅香料味同卤水味比鹅片更香更好味。潮州炸虾枣潮州炸虾枣喺我儿时好喜欢嘅食物。佢同炸虾丸好相似，将虾胶搓成球再炸至金黄。陈仪兴饭店所煮理嘅炸虾枣炸皮唔厚，食落外皮酥脆，虾肉鲜甜弹牙，你再配搭返潮州甜酱同辣酱，非常有潮州风味。潮州蚝仔饼蚝饼煎到两边金黄色。而且都相当大块，蚝仔一啲都唔细只，只只都肥美圆润。食嘅时候狗少许鱼露，可以提升鲜味，食起嚟更加滋味。