影片
更多
2018-01-29
779 浏览
去开屯门做野，有一个钟头食饭时间，话多唔多，话少又唔少，人生路不熟，好不容易先喺置乐𠮶边揾到个表位，喺附近见到间烧腊饭店，见d烧腊都似几好就入去食下！原来呢间铺头由90 年到而家，数下数下，都算系一间老字号！本来想坐低叫个双拼饭食，不过睇下餐牌，发现坐低食要$48, 外卖$25 , 咁即系逼我买外卖啫，见外面天气唔系咁冻，就叫左个烧肉油鸡饭去外面公园坐低食！可以屹立不到成为一间老字号必定有佢既原因，烧肉皮系爆脆皮，仲脆过薯片，油鸡d皮入晒味，除左有老抽味外，仲有一阵应该系玫瑰露酒既味道，鸡肉嫩滑，以$25价钱嚟讲系几抵食！另外我仲加$5叫左个例汤，估唔到会咁足料，有咁大旧瘦肉，仲有好多萝卜，呢$5 真系抵俾！所以话能成为一间老字号，必定有佢既原因，价钱同食物既质素都系好重要！
原来呢间铺头由90 年到而家，数下数下，都算系一间老字号！
本来想坐低叫个双拼饭食，不过睇下餐牌，发现坐低食要$48, 外卖$25 , 咁即系逼我买外卖啫，见外面天气唔系咁冻，就叫左个烧肉油鸡饭去外面公园坐低食！
可以屹立不到成为一间老字号必定有佢既原因，烧肉皮系爆脆皮，仲脆过薯片，油鸡d皮入晒味，除左有老抽味外，仲有一阵应该系玫瑰露酒既味道，鸡肉嫩滑，以$25价钱嚟讲系几抵食！
另外我仲加$5叫左个例汤，估唔到会咁足料，有咁大旧瘦肉，仲有好多萝卜，呢$5 真系抵俾！
所以话能成为一间老字号，必定有佢既原因，价钱同食物既质素都系好重要！
张贴
