老三陽 (已搬遷) 新店位置

其实每年都有帮衬老三阳买大闸蟹，结合多年经验，发现越大嘅蟹，濑嘢嘅机会越高。以今年为例，咬实牙根，买咗$400一只嘅大蟹，9只里面有2只唔新鲜，所谓唔新鲜就系蟹羔点样蒸都系水汪汪，重带啲腥味，蟹肉亦唔实。真系食有惊肚疴，唔食又白蚀。其余5只就好似张相咁，有带微黄而油甘极香嘅蟹羔，但份量唔足，反而充斥住𠮶啲白白哋色半透明状，据说系蟹公荷尔蒙嘅嘢。又唔可以话唔好食，不过咁贵，我会期望爆唒羔啰，不过都好彩，有2只符合预期，劲爆羔！讲到尾，呢啲真系高风险买卖，自己又唔识拣，又无得换，更加无得退钱。所以一定要揾间口卑好，老字号都系参考下嘅啫。