順興茶餐廳

营业中

休息中

嚟到大坑紧系要食呢间做咗半世嘅老字号茶餐厅，佢嘅滑蛋饭同车仔面深受食客欢迎。秘制猪扒饭$54猪扒外皮酥脆，肉质嫩滑松软，香气扑鼻，已经切成一条条，方便食用。另上嘅葱花甜酱汁淋落饭及炒蛋上捞埋一齐食，😋超级惹味呀！自选车仔面$48拣咗辣汁捞幼面及3个𩠌：鱼蛋、萝卜、墨鱼丸。幼面爽口弹牙，辣汁果然非同凡响，混入面中不但提升配料嘅味道，令人食上瘾，而且威力之劲非常惊人，不吃辣的人要小心。配多一份即烘嘅厚身、外脆内软油占多，大排档风味餐到此为止。