能記飯店

营业中

休息中

深井烧鹅听就听得多，但原来真正嚟食系未试过，四条傻佬即兴来左深井，唔知边间好食下就随机入左能记🤣翻查资料原来能记系一间已经有60多年历史嘅老字号，亦系少数仍然持有炭炉牌照嘅店铺，令烧出嚟嘅烧鹅更加出色。庆幸坐低吹左阵水就有烧鹅出炉，二话不说order返只，出炉鹅未见其形先闻其香，首先要赞嘅系火候控制得非常好，外皮烧得焦脆带点荔枝木嘅烟熏味道，肉质松软保持著淡淡嘅粉嫩颜色，烧多一刻、少一分时间都未必做到呢个效果，而鹅肉脂肪分布均匀，令肉汁爆发嘅鹅肉渗透住阵阵鹅油香味。另外几款小菜就不过不失，系椒盐鲜鱿比较差啲，调味欠奉只算是普通炸鱿鱼，不过无所谓吧毕竟烧鹅先系主角，最后多谢姐姐推介我地整返碗濑粉，虽然濑粉只是简单地配上清汤冬菜，但真正作用系减低净食烧鹅嘅油腻感，绝配绝配。