華香雞 (已結業)

今日同妈子行街出开嚟湾仔，见到呢间华香鸡都几多人食。小店位置唔多，不过好旺场。原来已经做街坊生意做咗37年，1988年嘅老店，就试下佢啦。嗌咗个丰盛二人餐（$238），有华茶鸡半只（即系华香鸡拼乌龙茶鸡）、卤水拼盘、菜心同两个饭、两杯餐饮👍🏻鸡嘅份量都几足😃鸡肉滑溜，仲有最爱𠮶层啫喱状膏油😆乌龙茶的鸡皮充满淡淡烟熏味，两款鸡嘅腌料偏浓味。卤水拼盘包括：卤水蛋、猪耳、鸡肾、猪手同腩肉。最爱卤水蛋，只蛋好靓仔😗其余卤水都几入味，鸡肾&猪耳几爽，猪腩肉亦唔算好肥。配埋黄姜饭同青菜，仲有杯奶味好浓的冻奶茶😌好饱肚嘅一餐！