影片
更多
2020-03-22
1201 浏览
特登去九龙城食晚饭 知道九龙城多泰国、串烧及火锅食店，但咁岩经过顺兴，睇个餐厅门口 有d历史，所以就入去试试。店员一入去就提供两个晚餐餐牌，一个系特价晚餐另一个就铁板餐。 特价晚餐共有5款炒面炒饭选择，款款HK$49包中汤及热饮；而另外一个铁板餐有3款铁板：鸡猪牛都系配虾饼。我同朋友点了一个星洲海鲜炒河及牛柳虾饼铁板餐，先黎两个一般般只有咸味嘅中汤，再黎一个已经一早搽左牛油嘅甜餐包，呢个餐包上之前先揾微波炉整热，所以热辣辣，食落都唔差。 炒河上得好快，够晒镬气，炒得好香，呢个值得推荐；铁板上餐时间就耐少少，一上到侍应会问一句 「要唔要帮你淋汁」，一心谂住一淋汁果下会沙得大大声，D汁会弹到周围到系.... 点知一淋 静嘅 真系一D沙沙声都听唔到.. 心谂唔系呀 冻嘅.. 一食.. 咦又唔系冻 但牛柳嘅肉质系淋同韧.. 不过以一个68蚊嘅价钱执食到一大块牛柳 都算系差唔多.. 但如果再食就唔会再叫.. 叫番小菜会好好多～ 所以你地有兴趣去食，就去叫小菜炒粉炒饭就好D~
张贴