人和荳品廠 (已搬遷) 新店位置

由小吃到大的人和店，质素依旧咁高咁好，价钱咁多年都冇话加价加得好西利，仍然觉得好抵食👍🏼。每次经过都见到小小既店舖座无虚席，要同人搭枱既机会好高😂。必食既当然系 豉油王炒面🍝同鱼肉煎豆腐🥚。豉油王炒面（$16）每一条炒面都染上了豉油的深色，非常均匀，配上少少嘅豆卜同埋椰菜，口感好好。有调味料架（豉油、甜酱、辣椒酱）可以自行添加调味。鱼肉煎豆腐（$16）新鲜滚热辣、即叫即煎，因为客人流水式咁黎帮衬，几乎每个人都会order，所以全部都系新鲜煮紧再上碟。豆腐煎到个面好香口好脆，超热要摊冻一阵先可以放入口♨️。