深仔記 (已結業)

大埔食野一向都多选择，今次就黎试下呢间近住太和站既面店啦。舖位好显眼，就系条大马路已经见到，招牌都好醒神。先试牛筋腩河，d腩熬得好淋，而筋有嚼劲。而河粉系幼身偏碎，连汤食就岩晒。最正系个汤底，系好香浓既腩汁，味精味唔重。咸鸡牛柏叶粥，鸡果然够咸而且好嫩滑，令到清淡既粥润色不少，而牛柏叶系原始既黑色，而系平日所见漂完白既色，食落好放心。粥底熬得好鲜甜、软身，系我至爱既质感。炸云吞（细），虽然话系细，不过都有成六粒。炸得好脆，而脆皮带点咸香，唔系平日酒楼个d主要食个汁既风格。炸鲮鱼球（细），同样都系有六粒。腌得好香，味道好有层次，会食得好香鱼味既内里，加上咸香既表面，再蘸埋蚬汁带点鲜味，爱重口味既人必食。