許榮記飲食專家

营业中

休息中

出街食饭食得多，呢期仲密密打边炉，偶然都想食下「普通野」，星期日喺附近拎网上订嘅货，于是醒起呢间许荣记，早十几廿年前我都经常喺呢度食晏，因为当时公司喺附近，今日再黎，别有一番感触。同老婆黎到，佢第一次食。星期日下午茶时间，都唔算好多人，眼见反而有唔少外卖单。呢度主要食粉面，鱼片头、鱼蛋、云吞、贡丸等等等，亦都有客饭，例如牛什、牛腩、叉烧炒蛋呢啲，饭同面价钱差不多，咁因为人地都系做面起家。我地一人点左碗面，加碟菜，两杯柠茶，食左个快饭。鱼片头鱼蛋河老婆点嘅双拼河粉，好快上枱，其实喺太子区果边食呢啲粉面真系平好多，不过今日懒得行。河粉幼身，唔会太黏口，条条分明，加少少辣椒油，几好食。鱼片头同鱼蛋都几出名，片头正常厚度，真系几弹牙，鱼蛋亦都有鱼味，系潮洲式嘅白鱼蛋，一样咁爽云吞鱼皮饺面我点嘅都系双拼，云吞就中规中矩，鱼皮饺感觉好食过啲雪藏饺好多。面质因为我地都好快手影完相就食，都唔会话变到淋哂。