陳根記 (已搬遷) 新店位置

家阵系旧式大排挡开饭真系买少见少，唔系到处都可以食到佢，而随著环境同卫生问题慢慢逐一清拆再重新建成一站式综合大楼，虽然系方便咗但舖位细咗又未必食到𠮶种风味，而且仲有好多老字号饭店都未必肯继续做落去真系有啲唔舍得，又变咗集团式经营真系冇乜选择，就今次去咗呢度开饭感受一下气氛之余又可以食到地道美食一举两得，就点左几款招牌小菜品尝一下，饮番杯啤酒再食啖𩠌咁先最正有晒风味先有椒盐鲜鱿入口香脆内里松软啖啖肉，简单又惹味，到另一款系香煎蚝饼煎得金黄松脆，蚝仔肉质又鲜甜食得滋味轮到有豉汁蒸大鳝，食到鳝肉肉质爽弹又鲜嫩味道十足，唔少得有招牌菜根记头抽鸡半只，鸡肉半肥瘦加上用咗头抽煮，入口特别香滑味浓郁，真系眨吓眼就食完再食番碟马拉盏炒时菜食落够晒味道，咁就品尝咗一餐大排档美食。