影片
更多
2014-05-11
1653 浏览
以前食海鮮多數去西貢或布袋澳, 最近朋友介紹鯉魚門, 果然無介紹錯. 有咩好? 呢度勝在價錢合理, 海鮮超級新鮮, 最緊要係老實, 唔似西貢果D劏到你一頸血. 首先梗係要搵海鮮檔揀海鮮啦, 朋友介紹一定要搵九哥, 唔記得個海鮮檔叫咩名, 淨係記得係龍騰出面, 不過你係鯉魚門是但搵個人問九哥係邊, 一定人人都識. 你可以同九哥講你鍾意食咩海鮮, budget 大約幾多, 佢就一定會幫你安排得妥妥當當. 我地上次話想食生蠔, 佢好老實同我地講當天的生蠔麻麻, 唔夠靚, 介紹我地食蝴蝶蚌, 又靚又抵食. 我地經常眼闊肚窄, 樣樣都想食, 叫得太多, 九哥會勸我地叫少D, 話一定食唔晒, 唔好浪費.揀完海鮮, 九哥會交俾酒家烹煮, 今次我地去龍騰, 呢間酒家比起其他的闊落, 最啱有老人家同小朋友, 師傅手勢都唔錯, 一向招呼我地果位翠姐服務好好又好傾. 餐前小食的溏心皮蛋和拍青瓜都絕不欺場, 令人十分期待接住落黎的海鮮美饌. 當日咁啱有生猛游水牡丹蝦, 成隻手掌咁長, 勁鮮甜彈牙, 連個蝦頭都勁多膏. 再黎都係蝦, 豉油皇炒蝦碌, 好入味, 連個殼都吮得乾乾淨淨. 跟住係每次必點的蒜蓉粉絲蒸
首先梗係要搵海鮮檔揀海鮮啦, 朋友介紹一定要搵九哥, 唔記得個海鮮檔叫咩名, 淨係記得係龍騰出面, 不過你係鯉魚門是但搵個人問九哥係邊, 一定人人都識. 你可以同九哥講你鍾意食咩海鮮, budget 大約幾多, 佢就一定會幫你安排得妥妥當當. 我地上次話想食生蠔, 佢好老實同我地講當天的生蠔麻麻, 唔夠靚, 介紹我地食蝴蝶蚌, 又靚又抵食. 我地經常眼闊肚窄, 樣樣都想食, 叫得太多, 九哥會勸我地叫少D, 話一定食唔晒, 唔好浪費.
揀完海鮮, 九哥會交俾酒家烹煮, 今次我地去龍騰, 呢間酒家比起其他的闊落, 最啱有老人家同小朋友, 師傅手勢都唔錯, 一向招呼我地果位翠姐服務好好又好傾.
餐前小食的溏心皮蛋和拍青瓜都絕不欺場, 令人十分期待接住落黎的海鮮美饌.
當日咁啱有生猛游水牡丹蝦, 成隻手掌咁長, 勁鮮甜彈牙, 連個蝦頭都勁多膏.
再黎都係蝦, 豉油皇炒蝦碌, 好入味, 連個殼都吮得乾乾淨淨.
跟住係每次必點的蒜蓉粉絲蒸扇貝, 大大隻, 勁厚肉, 淋埋個淡淡的豉油汁, 更能帶出扇貝的鮮甜.
出面食到的鮑魚多數都淡而無味, 九哥介紹我地食南非鮑, 果皮蒸, 真係好味好多, 一咬落去感覺好唔同, 味道特別濃郁. 個侍應仲幫我地洗乾淨D鮑魚殼, 話拎返屋企放係雪櫃同鞋櫃可以吸味除臭, 果然真係 work 喎.
見到D魷魚係魚缸游來游去就知新鮮, 本來做刺身就最好, 原汁原味, 但係有老人家, 唔好食咁多生冷野, 所以九哥建議我地食過橋魷魚, 即用上湯拖拖水, 剛剛熟, 好爽脆, 下面仲墊左D芽菜, 清清地無咁 heavy.
最後係全晚既高潮, 清蒸爆膏奄仔蟹, D膏真係多到爆晒出黎, 又香又滑, 就算膽固醇超標都要食呀, 唔好以為膏多就無肉, 竟然都啖啖肉, 真係隔左幾個星期都仲記得果陣甘香.
食完咁多道菜之後, 原來九哥幫我地預備左大蜆芥菜豆腐魚湯, 睇見個湯抵係咁短時間都煲到奶白色, 就知道用料豐富, 雖然已經好飽, 都忍唔住飲完一碗又一碗.
最後仲有生果送, 唔好以為係普通既西瓜蜜瓜蘋果橙之類, 原來係每人半個夏威夷木瓜同大大個芒果, 清甜多汁, 香氣撲鼻, 十分滿足.
张贴
