影片
更多
2014-05-11
1638 浏览
以前食海鲜多数去西贡或布袋澳, 最近朋友介绍鲤鱼门, 果然无介绍错. 有咩好? 呢度胜在价钱合理, 海鲜超级新鲜, 最紧要系老实, 唔似西贡果D㓥到你一颈血. 首先梗系要揾海鲜档拣海鲜啦, 朋友介绍一定要揾九哥, 唔记得个海鲜档叫咩名, 净系记得系龙腾出面, 不过你系鲤鱼门是但揾个人问九哥系边, 一定人人都识. 你可以同九哥讲你钟意食咩海鲜, budget 大约几多, 佢就一定会帮你安排得妥妥当当. 我地上次话想食生蚝, 佢好老实同我地讲当天的生蚝麻麻, 唔够靓, 介绍我地食蝴蝶蚌, 又靓又抵食. 我地经常眼阔肚窄, 样样都想食, 叫得太多, 九哥会劝我地叫少D, 话一定食唔晒, 唔好浪费.拣完海鲜, 九哥会交俾酒家烹煮, 今次我地去龙腾, 呢间酒家比起其他的阔落, 最啱有老人家同小朋友, 师傅手势都唔错, 一向招呼我地果位翠姐服务好好又好倾. 餐前小食的溏心皮蛋和拍青瓜都绝不欺场, 令人十分期待接住落黎的海鲜美馔. 当日咁啱有生猛游水牡丹虾, 成只手掌咁长, 劲鲜甜弹牙, 连个虾头都劲多膏. 再黎都系虾, 豉油皇炒虾碌, 好入味, 连个壳都吮得干干净净. 跟住系每次必点的蒜蓉粉丝蒸
首先梗系要揾海鲜档拣海鲜啦, 朋友介绍一定要揾九哥, 唔记得个海鲜档叫咩名, 净系记得系龙腾出面, 不过你系鲤鱼门是但揾个人问九哥系边, 一定人人都识. 你可以同九哥讲你钟意食咩海鲜, budget 大约几多, 佢就一定会帮你安排得妥妥当当. 我地上次话想食生蚝, 佢好老实同我地讲当天的生蚝麻麻, 唔够靓, 介绍我地食蝴蝶蚌, 又靓又抵食. 我地经常眼阔肚窄, 样样都想食, 叫得太多, 九哥会劝我地叫少D, 话一定食唔晒, 唔好浪费.
拣完海鲜, 九哥会交俾酒家烹煮, 今次我地去龙腾, 呢间酒家比起其他的阔落, 最啱有老人家同小朋友, 师傅手势都唔错, 一向招呼我地果位翠姐服务好好又好倾.
餐前小食的溏心皮蛋和拍青瓜都绝不欺场, 令人十分期待接住落黎的海鲜美馔.
当日咁啱有生猛游水牡丹虾, 成只手掌咁长, 劲鲜甜弹牙, 连个虾头都劲多膏.
再黎都系虾, 豉油皇炒虾碌, 好入味, 连个壳都吮得干干净净.
跟住系每次必点的蒜蓉粉丝蒸扇贝, 大大只, 劲厚肉, 淋埋个淡淡的豉油汁, 更能带出扇贝的鲜甜.
出面食到的鲍鱼多数都淡而无味, 九哥介绍我地食南非鲍, 果皮蒸, 真系好味好多, 一咬落去感觉好唔同, 味道特别浓郁. 个侍应仲帮我地洗干净D鲍鱼壳, 话拎返屋企放系雪柜同鞋柜可以吸味除臭, 果然真系 work 㖞.
见到D鱿鱼系鱼缸游来游去就知新鲜, 本来做刺身就最好, 原汁原味, 但系有老人家, 唔好食咁多生冷野, 所以九哥建议我地食过桥鱿鱼, 即用上汤拖拖水, 刚刚熟, 好爽脆, 下面仲垫左D芽菜, 清清地无咁 heavy.
最后系全晚既高潮, 清蒸爆膏奄仔蟹, D膏真系多到爆晒出黎, 又香又滑, 就算胆固醇超标都要食呀, 唔好以为膏多就无肉, 竟然都啖啖肉, 真系隔左几个星期都仲记得果阵甘香.
食完咁多道菜之后, 原来九哥帮我地预备左大蚬芥菜豆腐鱼汤, 睇见个汤抵系咁短时间都煲到奶白色, 就知道用料丰富, 虽然已经好饱, 都忍唔住饮完一碗又一碗.
最后仲有生果送, 唔好以为系普通既西瓜蜜瓜苹果橙之类, 原来系每人半个夏威夷木瓜同大大个芒果, 清甜多汁, 香气扑鼻, 十分满足.
张贴
