Chapter 3 Steak Bar & Restaurant (已結業)

今时今日嘅酒吧已经唔再系18至40岁朋友嘅玩意，因为酒吧除咗有酒饮之外，仲有好多丰富美食，所以其实小朋友同长老级朋友都可以嚟消遣，今次我就嚟咗Chapter 3食晚饭。餐牌虽然选择唔算好多，但已经有沙律、汉堡、扒类、意粉、意大利饭、Pizza等，总之应有尽有。Happy Hour 啤酒🍻$56起。Edelweiss系带有花香嘅啤酒，女士好啱饮；而Paulaner就有丰富嘅泡沫，饮第一啖超正！呢个墨西哥粟米片超好食，仲可以refill。鱼子松露蟹肉伴冷意粉嘅意粉好弹牙，蟹肉都算多，混入芝麻酱，非常可口，仲要咁大碟，非常抵食！平时都钟意食burger，所以就order咗车打芝士烧菠萝吉列猪扒汉堡，佢嘅芝士系用上车打芝士酱，再配埋菠萝片同炸得卜卜脆嘅吉列猪扒，成个配搭都好出色！唯一缺憾系车打芝士酱会一路食一路流出嚟，所以食嘅时候好难顾及仪态炭烧美国顶级肉眼扒，有14安士重，仲有蒜蓉汁、黑椒汁、烧汁俾你拣，我就拣咗要烧汁七成熟。牛扒嘅七成熟做得非常之粉嫩，肉眼扒亦都够淋身，仲微微带点炭烧嘅香味，味道唔错。仲可以配埋side dishes，我就拣咗烟三文鱼沙律同埋焗薯，个人觉得三文鱼沙律🥗几好。