霸王山莊

营业中

休息中

上星期行街見到呢間餐廳滿滿回憶，因為多年前幫襯過，當時已覺得好味所以成為圍內朋友gathering每次飯局地方，不過疫情後飯局已越嚟越少，成日覺得咁大間餐廳唔係有實力好難敵過疫情，3年後再幫襯味道依舊好味。北京填鴨我今次係第一次食，鴨皮好香好脆，最鍾意佢有大量嘅青瓜，一份夾兩至三條都冇問題，新鮮又好味。套餐配埋兩碗鴨骨湯，飲得出冇味精但有龍龍嘅鴨味，但又唔會好溜，唔會好油。上海粗炒超級大碟，鍾意有好多蔬菜，麵條軟硬適中，每次食上海粗炒，我都會點一碟紅油抄手，呢間紅油抄手非常好食皮薄餡好多，辣椒油可以自己鍾意落幾多都得，唔會非常辣，但係有好香，小朋友就最愛食小籠包，入邊爆湯嘅感覺，好多湯汁好好味。甜品店員推介豆沙鍋餅，因為新鮮炸起，外脆內軟，入邊豆沙唔會好甜，今餐真係非常滿足，而且超級飽。