霸王山莊

营业中

休息中

上星期行街见到呢间餐厅满满回忆，因为多年前帮衬过，当时已觉得好味所以成为围内朋友gathering每次饭局地方，不过疫情后饭局已越嚟越少，成日觉得咁大间餐厅唔系有实力好难敌过疫情，3年后再帮衬味道依旧好味。北京填鸭我今次系第一次食，鸭皮好香好脆，最钟意佢有大量嘅青瓜，一份夹两至三条都冇问题，新鲜又好味。套餐配埋两碗鸭骨汤，饮得出冇味精但有龙龙嘅鸭味，但又唔会好溜，唔会好油。上海粗炒超级大碟，钟意有好多蔬菜，面条软硬适中，每次食上海粗炒，我都会点一碟红油抄手，呢间红油抄手非常好食皮薄馅好多，辣椒油可以自己钟意落几多都得，唔会非常辣，但系有好香，小朋友就最爱食小笼包，入边爆汤嘅感觉，好多汤汁好好味。甜品店员推介豆沙锅饼，因为新鲜炸起，外脆内软，入边豆沙唔会好甜，今餐真系非常满足，而且超级饱。