杜記茶餐廳

营业中

休息中

午饭时间，身处上水有咩食好？喺石湖墟行一阵，见到横街有间茶餐厅……杜记茶餐厅，被有历史嘅门面吸引咗，门口显示有围村盆菜，入到去的确系有啲旧式味道，在木椅卡位坐下，张枱好特别，上面系玻璃，下面有一格空间要嚟放餐牌同餐具。咕噜鸡球饭，酸甜味配搭刚刚好，唔太甜 唔太酸，鸡炸过系脆，粉有啲厚但唔过分，有好多件鸡，菠萝都似是新鲜的，午餐嚟讲算有啲诚意。例汤红萝卜白菜汤，够晒火候，个汤好味，仲好过出面好多收费餐汤。冻奶茶够香浓够滑。午餐性价比高。