西關老祖 (文苑樓) (已結業)

偶爾係佐敦經過，見到呢間極簡系文青小店。大大隻字寫住古法瀨粉，成間舖冇位坐，只供外賣。甘神秘搞到我心思思想試下佢古法有幾好食！舖頭門口有部自助販賣機，menu一目了然，操作簡單。 menu唔算多款色，專注做好每一項食品。最surprise係有成抵自家製蘿蔔糕賣。講真今時今日已經好少手製蘿蔔糕賣，好多都係連鎖店新年賣嘅搶錢機製蘿蔔糕，全部都係餡糕好少又落好多面粉又冇蘿蔔味嘅假蘿蔔糕。所以一見到老祖袐傳瑤柱蘿蔔糕就買左。原抵蘿蔔糕係真空包裝，衛生安全。成個蘿蔔糕大約850g , 價錢168。 我覺得佢用料老實，肉眼可見好多瑤柱同蝦米，煎落唔易散。食落咸香，仲咬到絲絲蘿蔔，好有咬口，自己再加d辣椒油一齊食好正。