影片
更多
2023-05-15
691 浏览
🎯呢排频频同忌廉妹食饭，因为大家都夹到时间，又钟意食西餐，所以成为咗熊妹觅食新伙伴。而今次就嚟到位于旺角砵兰街新开嘅餐厅《Up a Notch》食熊妹同忌廉妹最爱嘅西餐薄饼意粉啦。📍餐厅环境好大，好宽敞，因为有半边有两层，变成另一边楼底好高，感觉好开扬，讲嘢都唔会有回音。🎤📍开放式厨房，可以睇到厨师用心制作。幽暗嘅灯光，晚餐时分嚟食真系另有格调。另外仲有一个bearbrick corner，摆放咗30只巨型bearbrick，好似去咗展览馆咁。🐻📍忌廉妹放工后当然好肚饿喇，话一只牛都食得晒。事不宜迟，即系要嗌嘢食啦。牛油果蟹肉沙律塔，$138📍熊妹同忌廉妹都系牛油果爱好者，即刻点呢个沙律塔开吓胃先啦。📌沙律塔大概有两层牛油果🥑，牛油果熟到刚刚好非常软淋，又未至于去到坏嘅质地变酸，面头一边有一堆蟹肉丝，同淡淡牛油果捞埋一齐食，更加调出蟹肉嘅鲜味，一担担牛油果摆入口，对于牛油果爱好者嚟讲，感觉真系好幸福。💕水牛城鸡翼， $68📍食完沙律就梗系食啲小食，叠下个肚先啦。📌唔好睇佢一兜仔鸡翼，份量都唔少㗎，入边起码有10几只，系单骨鸡翼嚟嘅。单骨鸡翼嘅好处就系一啖摆入口，咬完啲肉然之后完整一
🎯呢排频频同忌廉妹食饭，因为大家都夹到时间，又钟意食西餐，所以成为咗熊妹觅食新伙伴。而今次就嚟到位于旺角砵兰街新开嘅餐厅《Up a Notch》食熊妹同忌廉妹最爱嘅西餐薄饼意粉啦。
📍餐厅环境好大，好宽敞，因为有半边有两层，变成另一边楼底好高，感觉好开扬，讲嘢都唔会有回音。🎤
📍开放式厨房，可以睇到厨师用心制作。幽暗嘅灯光，晚餐时分嚟食真系另有格调。另外仲有一个bearbrick corner，摆放咗30只巨型bearbrick，好似去咗展览馆咁。🐻📍忌廉妹放工后当然好肚饿喇，话一只牛都食得晒。事不宜迟，即系要嗌嘢食啦。
牛油果蟹肉沙律塔
$138
8 浏览
0 赞好
0 留言
📍熊妹同忌廉妹都系牛油果爱好者，即刻点呢个沙律塔开吓胃先啦。
📌沙律塔大概有两层牛油果🥑，牛油果熟到刚刚好非常软淋，又未至于去到坏嘅质地变酸，面头一边有一堆蟹肉丝，同淡淡牛油果捞埋一齐食，更加调出蟹肉嘅鲜味，一担担牛油果摆入口，对于牛油果爱好者嚟讲，感觉真系好幸福。💕
水牛城鸡翼
$68
8 浏览
0 赞好
0 留言
📍食完沙律就梗系食啲小食，叠下个肚先啦。
📌唔好睇佢一兜仔鸡翼，份量都唔少㗎，入边起码有10几只，系单骨鸡翼嚟嘅。
单骨鸡翼嘅好处就系一啖摆入口，咬完啲肉然之后完整一条骨拉返出嚟，冇食一只鸡翼两边有骨中间又有肉食得咁论尽。
📌水牛城酱就系酸酸辣辣🌶，不嬲都惹味，炸粉唔算太厚，同鸡肉嘅份量差唔多，好怕食鸡皮嘅熊妹都会选择一啖摆入口，再拉返条骨出嚟，因为沾上水牛城酱的鸡翼真系好难抗拒。
蒜片辣椒炒虾球
$108
13 浏览
0 赞好
0 留言
📍太肚饿嘅忌廉妹话再叫多咗个小食，钟意食酸又钟意食虾嘅佢就拣咗呢款啦。
📌哗！都几大碟㖞有惊喜。忌廉妹未食就觉得好惊奇点解会摆粟米片？熊妹轻声同佢讲：「系蒜片！」
📌蒜片又真系炸得几薄，口感真系好似粟米片咁薄，不过系阵阵蒜香味🧄，同炒熟咗带点点辣味的虾球🍤一齐食，蒜片嘅脆加埋虾球嘅爽，口感味道配搭得非常之好。
📌拌菜仲有啲沙律菜同埋腌酸咗嘅洋葱丝，可以清一清蒜蓉嘅重味，非常贴心的食法。
玛格丽特薄饼
$138
8 浏览
0 赞好
0 留言
📍忌廉妹最钟意芝士同埋蕃茄酱🥫嘅配搭，玛格丽特薄饼🍕绝对系佢嘅最爱。
📌《Up a Notch》的薄饼系主打自家手工制的，薄饼饼底系薄批，焗出嚟类似饼干嘅脆口。
📌玛格丽特薄饼红红绿绿，望落去已经好吸引，令人食欲大增。
📌饼底搽满适量的鲜蕃茄酱连一旧旧蕃茄蓉🍅，面头有一挞挞mozzarella cheese，仲有一片片九层塔叶，淡淡嘅芝士味连埋浓郁嘅酸甜蕃茄酱，加埋独特嘅九层塔叶香味，呢个就系玛格丽特用上简单嘅材料就可以食出最原始薄饼嘅味道。
📌熊妹再另外提议，其实薄饼加上tabasco🌶，可以同蕃茄酱底带出酸酸辣辣嘅效应，会释出另一层风味。
香煎北海道带子蒜片辣椒意大利面
$158
11 浏览
0 赞好
0 留言
📌忌廉妹其实真系好爱好蒜蓉味嘅食物，所以点都要食呢个经典A.O.P意粉。
📌三粒完整嘅北海道带子两边煎香仲有黑椒调味带点脆皮，食落没有雪藏未，咬落肉质弹牙，啖啖带子肉好肥满。
📌干炒起嘅意粉阵阵蒜香味芬香扑鼻，又有一大堆蒜片喺面头，非常脆口，橄榄油嘅份量用得恰到好处，唔好食到成口油，意粉嘅熟度唔会过淋一pat pat，好有咬口，再带丁点辣味，呢款就系经典A.O.P意粉的味道。
慢煮安格斯和牛面颊肉
$298
12 浏览
0 赞好
0 留言
📍嚟到重头戏嘅主菜啦，忌廉妹真系食量惊人，食咗咁多小食意粉薄饼都净系七成饱，咁要加埋个主菜就啱啱好啦，熊妹都系陪跑嘅啫。🏃🏽♀️
📌哗，一上枱，牛味好香🐮，试咗一啖汁，非常浓郁但唔会好咸，用慢煮方法熬出嚟嘅牛汁味道。
📌牛面炖肉切出黎有好多旧，起码六至七，每一旧肉煮得熟透，没有一点生红肉或者血丝，肉质非常软腍，啖啖肉咬落去仲渗出牛嘅肉汁，慢煮嘅工架果然非同凡响💪🏻，绝对系高级餐厅之作。
Flat white
$42
5 浏览
0 赞好
0 留言
📌食西餐，熊妹都系想试吓西餐厅嘅咖啡之作☕️，当然就系以熊妹最爱的Flat white黎评审下啦。
📍奶泡层够厚，做出的3D拉花线条就愈实净，呢杯标准嘅叶型拉花，🈴格。
📍奶泡层的厚实🍼，再慢慢渗出咖啡嘅香味，然后再同淡淡的奶泡融洽，呢杯Flat white冲调得唔错！
洋甘菊花茶
$48
8 浏览
0 赞好
0 留言
📌比较养生嘅忌廉妹想饮热茶🍵，洋甘菊清新香味又可以解下食物的油腻。
📌茶壶好特别，上面一层可以比花茶浸泡住热水，过一阵可以按茶壶盖上面嘅掣，将浸泡好嘅花茶滴落茶壶下面然后再倒出来享用，咁嘅做法可以饮到每杯都好平均嘅花茶味，避免开头饮到浸得好浓郁嘅花茶味，或者最后花茶被冲淡后得返少少的淡味，设计得非常聪明嘅茶壶！
📍整体嚟讲，《Up a Notch》系一间好有气氛嘅西式餐厅，食物味道绝对有水准，环境气氛有格调，值得一提的系服务态度非常殷勤，店员会不断自动添水，见食客碟上面有好多虾壳或者残余食物，会好自动来换碟，而且会不断走来走去巡视食客枱面并收起已食完的𩠌碟，以免阻碍上下一道菜，服务真系一流，比得上高级餐厅嘅质素，今时今日除左高级酒店外，这样的服务真系好罕有，有些企系度吹水谈天说地，有些见你举手都视而不见，掂行掂过，而这里的服务真系🈵分，好适合一大伙儿过嚟食饭把酒畅欢，
张贴
