津津茶餐廳

营业中

休息中

我谂系鲗鱼涌附近或者北角返工嘅朋友，都会知道呢一间津津茶餐厅主要系食沙姜鸡饭。因为每次经过都会闻到好香嘅味道，亦都会见到好多鸡挂住喺门口。餐厅入面嘅环境，保留住六七十年代一种好古旧茶餐厅嘅感觉，非常之旧式 ，好似时光倒流二十年咁 。不过午膳时间就比较多人，需要搭枱，而且有唔少人都会嗌沙姜鸡饭，或者珍肝饭等等嘅名物。同埋千祈要记得叫佢嘅老火汤， 金银白菜猪肺汤，非常够火喉，好好饮。盐焗鸡饭，饭身比较软熟，可能因为淋咗酱汁嘅关系比较湿 ，鸡肉就比较瘦，不过都有鸡味，点埋沙姜酱汁捞饭食就刚刚好。