餃子屋

营业中

休息中

到 荃湾必食咁济。一向钟意食饺子，平时都买饺子煮，呢间唔单止个饺好味，选择多，系个汤底仲吸引，系真系老火汤，饮落去，有骨胶原，仲明显feel到煲左好耐，真系不得了。每次去到，有选择困难嘅我，唔知食乜饺好，所以通常食双拼。仲有好出色嘅辣菜脯，真系好正，我觉得好辣，食前夹走辣椒先食，都辣，但夹埋面同老火汤，就啱啱好。其实我觉得煎饺抵D，不过我钟意汤饺加上剪饺就燥热左少少啰。佢嘅咖哩薯仔鸡肉饺，咖哩味好浓，薯仔够林得黎唔会散，斋食都好足味，系浓添，要配返个上海面中和下更佳。跟住通常食下粟米三色椒猪肉或者香菇木耳鸡肉之类嘅饺子。而且再配上海面除左因为咖哩太浓，仲因为佢面够弹牙爽口，又系不二之选。食左好多年，味道仲保存到。五十零蚊，咁有手准嘅面，虽然唔包饮品，座得又迫，都觉得值得一去再去。