品味冰室

营业中

休息中

日日食Lunch都系炒粉面饭，都想有啲变化。今日发现呢间茶餐厅，竟然有老火炖汤饮，真系要试吓。都市人日日都忙返工，放工忙家务，想饮啖汤水，真系难过登天，想饮一啖老火炖汤，更加难上加难。今日食午饭，见到呢间餐厅有汤饮，就冲入去谂吓。佢哋个餐系跟饭，饭就无咩好介绍，重点我想讲吓个汤，花𣄃参椰子鲜鸡炖汤。一上菜，个汤热辣辣，店员介绍系日日朝早开始炖，午市开始卖，而且好快卖晒。我饮咗一啖，就明白晒，个炖汤好好味，入边好足料，一入口就知道无加味精，唔会饮完好口渴。炖汤味道浓郁之外，汤料都可以食埋，汤料用来𩠌饭一流。饮完个汤，食埋碟饭，饱到上心口。咁好味嘅汤，都系卖六十几蚊跟饭同饮品，我得一个字可以讲，抵食😂店员重同我讲，佢哋个炖汤会成日转，叫我多啲帮衬。讲真，呢个价钱，饮到真材实料嘅炖汤，佢唔讲，我都会得闲过去食Lunch，鬼叫屋企无时间煲汤咩。大家如果都想饮到真材实料嘅炖汤，都可以去试吓，应该唔会失望。