影片
更多
2018-01-04
12610 浏览
老爸叫左成个星期，话要黎呢到食午饭。今日叫埋阿哥抽时间陪佢黎。话说我老爸对食要求好高，事关佢八十几岁，眼又蒙，牙又无力，味觉又奇特，食乜都话有骨，食蛋又例必有蛋壳....同佢出街食饭仲麻烦过同阿妈。不过，佢出到声话挂住呢到既姜醋㖞，咁未陪佢罗。新乐其实好耐历史，记得细个时都有同父母黎食过，而且价钱大众化，所以老爸以前都成日同亲友黎食。我地11点半walk in入去，点知佢地话今日好full, 要坐到最入。无法啦，不过老爸拿食物就好唔方便啦😥😥十二点先开始，可以食两个钟。唯有等下啦。未到十二点，已经坐满人啦。不过，点解咁多长者既？？？唔好理咁多，冲呀🏃🏃🏃🏃呢到竟然有柚皮食，我都好耐无食过了，令我谂起儿时回忆。支竹羊腩，略为切得太细件，但对长者黎讲就易入口，老豆食唔到d皮，但肉就食到。唔好忘记拿旁边既腐乳呀。三文鱼厚切，新鲜，每次取一份都有四件。估佢唔到，老爸竟然食到d田螺。佢呢到d田螺好稔，出面个d通常都会好有咬口，所以食多几粒都唔怕伤胃。不过味就差左d，薯蓉食唔到牛油味，只有淡淡既螺肉味。牛俐好大块，又俾煮到好淋身。老爸唯一食唔到既食物，佢食惯左幼身既菜茎，呢到d太粗身，佢食唔到。食
新乐其实好耐历史，记得细个时都有同父母黎食过，而且价钱大众化，所以老爸以前都成日同亲友黎食。
我地11点半walk in入去，点知佢地话今日好full, 要坐到最入。无法啦，不过老爸拿食物就好唔方便啦😥😥
十二点先开始，可以食两个钟。唯有等下啦。
未到十二点，已经坐满人啦。不过，点解咁多长者既？？？唔好理咁多，冲呀🏃🏃🏃🏃
呢到竟然有柚皮食，我都好耐无食过了，令我谂起儿时回忆。
支竹羊腩，略为切得太细件，但对长者黎讲就易入口，老豆食唔到d皮，但肉就食到。唔好忘记拿旁边既腐乳呀。
三文鱼厚切，新鲜，每次取一份都有四件。
估佢唔到，老爸竟然食到d田螺。佢呢到d田螺好稔，出面个d通常都会好有咬口，所以食多几粒都唔怕伤胃。不过味就差左d，薯蓉食唔到牛油味，只有淡淡既螺肉味。
牛俐好大块，又俾煮到好淋身。
老爸唯一食唔到既食物，佢食惯左幼身既菜茎，呢到d太粗身，佢食唔到。
食物种类不算多，以上图片已经占左8成。fill食物速度都算快，间中会有新菜式出黎。食物都够热，冷盘都好新鲜，唯独佢地既甜品蛋糕，卖相不吸引之如，口感仲好差，阿哥话d蛋糕好伏㖞😂😂😂😂😂而我，亦终于明白，点解老爸钟意黎呢到食，因为佢地既热食全部煮到好稔，d食物够热又够稔，牙力唔够既都食到，唔怪之咁多长者黎食啦。
老爸最喜欢既猪脚姜，真系好入味，微辣，猪脚啖啖肉，肉质非常稔。阿哥自己都食左一大碗，连姜醋汁都饮晒。
椰子煲鸡汤，虽然冇乜味，但都饮左一大碗，鬼叫冇自家汤饮咩。
d虾好新鲜，肉质弹牙，虾头系有膏添呀。我仲表演左点用刀叉拆虾壳俾阿哥睇，多得网上教学，三两刀就可以搞点一只，好方便，又唔会整污秽对手。
唔多欣赏既甜品
题外话/补充资料：
呢度冇长者优惠，只有成人和儿童价钱两种。但，全部人都有八折。
想坐静位，记得要先预约。
(以上食记乃用户个人意见 , 并不代表OpenRice之观点。)
张贴
